Lei buorre seminárábeaivi, Johkkamohkis, sámi olmmošlaš bázahasat birra. Ii lean nu ollu olbmot geat ledje mielde. Lei hui čáppa dálki, jahkan ahte olbmot ledje olggos, luontus.
Maja Hageman lei mielde ja muitalii rasbiologijja historjja birra. Elisabeth Iregren, osteologa, muitalii mo dutkkit geavahit dakteávdnasiid ja Lars-Anders Baer muitalii manin Sámediggi gáibida ruoktot máhcaheami. Rose-Marie Huuva lei mielde, Mihkke Somby, Johannes Marainen ja Sunna Kuoljok.
Mon ipmirdan ahte dakteávdnasat leat deahalaččat Elisabeth Iregrenii ja eará dutkkiide, muhtu oaivildan ahte sápmelaččat ferte mearridit dan ašši birra. Mon čuovun mii dáhppahuvva dan aššiin. Dieđán ahte Sámediggi lea ságastan Historjalaš Museain dan ašši birra mannan disdaga, in dieđe mo manai.
Loga Maja Hagermana girjji "Det rena landet" go hálidat lohkat rasbiologijja Ruoŧas birra.
Subscribe to:
Post Comments (Atom)
Posts
No comments:
Post a Comment